Khwab mein Hajj Karna Dekhna Ki Tabeer in Urdu

Khwab mein Hajj Karna Dekhna Ki Tabeer

فرض حج بجا لائے نیک ہو آرام پائے بزرگوں کا ہم نشین ہو

بادشاہ حاکم وقت مہربان ہو مراد دلی بر آئے

حج پر جانا

عادل بادشاہ کی زیارت ہو افعال نیک کرے علم دوست ہو

حاجی دیکھنا

باعث مسرت ہے دولت دین و دنیا حاصل ہو

خواب میں حج کرنا دیکھنے کی تعبیر

حضرت ابن سیرین رحمتہ اللہ علیہ نے فرمایا ہے کہ اگر خواب میں دیکھے کہ اس نے حج کیا ہے تو حق تعالیٰ اس کے نصیب میں حج کرے گا اگر بیمار یہ خواب دیکھے تو شفا پائے گا اگر قرض دار ہو تو قرضے سے فارغ ہو گا اگر مسافر دیکھے تو وطن کو سلامتی سے واپس آئے گا اور اگر خواب میں دیکھے کہ حج کو گیا ہے اور حج نہیں کر سکا تو دلیل ہے کہ عمر دراز ہو گئی اور کام نظام سے ہو گا

حضرت ابراہیم کرمانی رحمۃ اللہ علیہ نے فرمایا ہے کہ اگر خواب میں دیکھے کہ حج کو گیا ہے اور حرم شریف میں لبیک کہتا ہے تو دلیل ہے کہ اس کو خوف اور ڈر ہو گا اور اگر دیکھے کہ حج اس پر واجب ہوا ہے تو دلیل ہے کہ کسی سے صلح کرے گا اور اگر دیکھے کہ خانہ کعبہ میں نماز پڑھتا ہے تو دلیل ہے بزرگوں سے نفع پائے گا اور اس کا کام بہتر ہوگا

حضرت جعفر صادق رضی اللہ تعالی عنہ نے فرمایا ہے کہ خواب میں حج کرنا سات وجہ پر ہے اول نکاح کرنا دوم کنیز خریدنا سوم عادل بادشاہ کی زیارت کرنا جہارم نیکی کرنا پنجم نیک کام کی کوشش کرنا ششم ثواب کی اجرت پانا ہفتم اہل علم کی صحبت میں جانا