Khwab mein Kora Hunter Dekhna Ki Tabeer in Urdu

Khwab mein Kora Hunter Dekhna Ki Tabeer

حضرت دانیال علیہ السلام نے فرمایا ہے خواب میں چھیلا ہوا کوڑا دیکھنا دلیل ہے کہ اس کا کام مراد اور انتظام سے ہو گا اور اگر دیکھے کہ اس کا کوڑا چھیلا ہوا نہیں ہے تو اس کوڑے کے انداز پر شرف اور بزرگی کی دلیل ہے اور بعض لوگ کہتے ہیں کہ خواب میں کوڑے کا دیکھنا تھوڑے مال کی دلیل ہے جس قدر کے صاحب خواب کا قدر ہے اور اگردیکھے کہ اسکےکوڑے کا چمڑا ٹوٹ گیا ہے تو دلیل ہے کہ اس سے کوئی بزرگ اور مال جدا ہوگا 

حضرت ابن سیرین رحمتہ اللہ علیہ نے فرمایا ہے اگر کوئی شخص دیکھے اس نے خواب میں کسی کو کوڑا مارا ہے تو دلیل ہے کہ کسی کام میں مشغول ہو گا اور اس کو اس سے فائدہ پہنچے گا اور اگر دیکھے کہ کوڑا ہاتھ سے گرا ہے تو دلیل ہے کہ جو کام کرتا ہے اس کو نہ کرے گا

اور اگر دیکھے کہ جب اس کے کوڑامارا ہے اس کے جسم سے خون جاری ہو گیا ہے تو دلیل ہے کہ رنج کی باتیں سنے گا اور اگر دیکھے کہ اس سے  خون نہیں نکلا ہے تو دلیل ہے کہ ہر ایک کوڑے کی ضرب پر ایک ایک درہم پائے گا

حضرت ابراہیم کرمانی رحمۃ اللہ علیہ نے فرمایا میں اگر کوئی خواب میں دیکھے کے کسی کو کوڑے لگے ہیں تو دلیل ہے کہ مارنے والے سے مال حرام پائے گا  اور اگر دیکھے کہ کوڑے کے زخم سے خون جاری ہو گیا ہے تو دلیل ہے کہ مال پائے گا اور اگر دیکھے کہ کوڑے کا زخم اس کے جسم پر رہا ہے تو دلیل ہے کہ رنج کی باتیں سنے گا

اور اگر دیکھے کہ اس کو کوڑے لگے ہیں اور مارنے والے کا پتا نہیں ہے تو دلیل ہے کہ اچانک مال پائے گا

حضرت جابر مغربی رحمۃ اللہ علیہ نے فرمایا ہے اگر کوئی خواب میں دیکھے کہ اس کے ہاتھ میں بہت اچھا کوڑا ہے یا اس کی رسی ریشم کی ہے تو دلیل ہے کہ اس کے ہاں لڑکا پیدا ہوگا اگر دیکھے کہ کوڑا لکڑی کا ہے تو یہ اس کے قوی حال ہونے کی دلیل ہے  اور اگر دیکھے کہ اس کا کوڑا چمڑے کا ہے یا تسمہ چمڑے کا رکھتا ہے تو دلیل ہے کہ خیرومنفعت پائے گا

 اور اگر کوئی شخص خواب میں دیکھے کہ کوڑا اس کے ہاتھ میں ٹوٹ گیا ہے تو دلیل ہے کہ اس کا فرزند مرے گا یا اپنے کاموں سےمعزول ہو گا اور اگر کوئی خواب میں دیکھے کہ گھوڑے پر بیٹھا ہے اور اس کو کوڑا مارتا ہے تو دلیل ہے کہ کسی کی جگہ کام کرے گا اور اس کا اس پر احسان دھرے گا اور اگر کوئی دیکھے کہ کسی کی پشت پر کوڑے مارتا ہے تو دلیل ہے کہ وہ آدمی مال حرام پائے گا یا مارنے والا اس کو تہمت گناہ لگائے گا

اور اگر اپنی پشت پر کوڑا کا زخم دیکھے اور مارنے والے کا پتہ نہیں ہے تو دلیل ہے کہ اس کا دین اور دنیا کا شغل تمام ہوگا اگر دیکھے کہ کسی پر کوڑے مارے ہیں اور کوڑا پارہ پارہ ہو گیا ہے تو دلیل ہے کہ اس کے اہل خانہ متفرق ہوں گے اور اگر کسی کو بے اندازہ کوڑے مارے تو دلیل ہے کہ اس کو غم و اندوہ میں پہنچے گا 

 حضرت اسماعیل اشعت رحمۃ اللہ علیہ نے فرمایا ہے اگر کوئی شخص اپنے گھر میں خواب دیکھے کہ اس کے ہاتھ میں چھوٹا کوڑا تھا اور پھر وہ لمبا ھو گیا ھے تو دلیل ھے کہ اس کی زبان دشمن پر دراز ہو گی اور اگر دیکھے کہ کوڑا دراز تھا اور پھر کوتاہ ہو گیا ہے تو دلیل ہے کہ دشمن اس پر غلبہ کرے گا

حضرت جعفر صادق رضی اللہ تعالیٰ عنہٗ نے فرمایا ہے کہ خواب میں کوڑے کا دیکھنا پانچ وجہ پر ہے اول  شورو خروش دوم جھگڑا سوم مشکل کام کا آسان ہونا چہارم سفر اور جدائی پنجم بزرگی اور مال 

کوڑے کھانا یا مارنا

کوڑے کھانا اور کوڑوں کے نشان کا بدن پر ظاہر ہونارنج والم میں مبتلاہونےکاباعث ہے

کوڑا ہاتھ میں دیکھنا

اختیارات پائے یا اقتدار حاصل ہو حاکم یا منفعت مقرر ہو

کوڑا ملنا

خواب میں کوڑا ملنا ملازمت یا روزگار ملنے سے تعبیر ہے

• Khwab mein Churi Knife Dekhna
• Khwab mein Talwar Dekhna
• Khwab mein Hathyar Dekhna

خواب میں کوڑے لگنا دیکھنے کی تعبیر

حضرت دانیال رضی اللہ تعالی عنہ نے فرمایا ہے اگر خواب میں دیکھے کہ اس کو کوڑے لگے ہیں اس طرح کے مار کا نشان ظاہر ہے یا اس کو ستون سے باندھ کر اس قدر کوڑے مارے ہیں کہ اس کے جسم سے خون نکلا ہے اس کی تعبیر بد ہے

حضرت ابن سیرین رحمتہ اللہ علیہ نے فرمایا ہے اگر کوئی خواب میں کوڑوں سے پٹے دلیل ہے کہ اس کو مال حرام ملے گا خاص کر اگر دیکھے کہ اس کے جسم سے خون نکلا ہے اور اس کا جسم بھی خون آلودہ ہو گیا ہے اور اگر اس کے جسم پر خستگی ظاہر ہوجائے تو دلیل ہے کہ اسی قدر ہر ایک سے فائدہ پائے گا اور بعض اہل تعبیر نے بیان کیا ہے کہ نیک کپڑا پہنے گا

حضرت ابراہیم کرمانی رحمۃ اللہ علیہ  کیا ہے اگر دیکھے کہ اس کی پشت پر کوڑے لگے ہیں اور مارنے والے کا پتہ نہیں ہے تو دلیل ہے کہ اس کا دین اور دنیا کا شغل نیک ہو گا اور اگر دیکھے کہ اس نے کسی کو کوڑا مارا ہے اس طرح کے کوڑا پارہ پارہ ہو گیا ہے تو دلیل ہے کہ اس کے اہل خاندان پراگندہ  ہوں گے

اور اگر دیکھے کہ اس کو کسی نے بے شمار کوڑے مارے ہیں دلیل ہے کہ اس کو غم پہنچے گا اور اگر دیکھے کہ اس کو کسی نے کوڑا مارا دلیل ہے کہ کسی بد دین اور منافق آدمی سے غمگین ہو گا اور اگر دیکھے کہ  کوتوال نے اس کو کوڑا مارا ہے دلیل ہے کہ بادشاہ اس کو حکومت دے گا اور اس کا کام نیک ہوگا

اور اگر دیکھے کہ کسی نے اس کو ڈھیلے سے کوڑا مارا ہے دلیل ہے کہ اس سے منفعت پائے گا اور اگر دیکھے کہ ڈھیلا کوڑا اس کی پشت پر مارا ہے دلیل ہے کہ کوئی اس کو رسوا کرے گااور اگر دیکھے کہ کسی نے اس کے منہ پر تھپڑ مارا ہے دلیل ہے کہ کسی سے بڑی بات سنے گا 

 حضرت جابر مغربی رحمۃ اللہ علیہ نے فرمایا ہے اگر دیکھے کہ اس کو کسی مردے نے مارا ہے دلیل ہے کہ سفر سے نفع پائے گا اور یا گیا ہوا مال واپس ملے گا اور اگر دیکھے کہ مردہ ہے اور کسی نے اس کو مارا ہے تو یہ دین کی قوت کی دلیل ہے

حضرت جعفر صادق رضی اللہ تعالیٰ عنہٗ نے فرمایا ہے خواب میں مار کھانا چھ وجہ پر ہے اول نفع دوم جھگڑا سوم مشکل کام کا روشن ہونا جہارم سفر پنجم شرف اور بزرگی ششم مال حرام