Khwab mein Kafan Dekhna Ki Tabeer in Urdu

Khwab mein Kafan Dekhna Ki Tabeer

حضرت ابن سیرین رحمتہ اللہ علیہ نے فرمایا ہے اگر دیکھے کہ کسی مردے یا زندہ کے لیے کفن بنایا ہے اگر وہ معلوم شخص ہے تو اس سے رنج پہنچنے پر دلیل ہے اور اگر کسی معلوم مردے کے لیے کفن بنایا ہے تو دلیل ہے کہ دنیا میں اس مردے کے طریقے کی تلاش کرے گا

حضرت ابراہیم کرمانی رحمۃ اللہ علیہ نے فرمایا ہے اگر دیکھے کہ مردے کا کفن پھاڑا ہے اہل تعبیرکہتے ہیں اگر صاحب خواب صالح اور پارسا اور طالب علم ہے اور باریک باتیں کہتا ہے تو دلیل ہے کہ دنیا اس کا رخ کرے گی اور مال حرام جمع کرے گا اور اگر دیکھے کہ مردوں کے کفن اُتارتا ہے اور جگہ بہ جگہ لیے پھرتا ہے تو دلیل ہے کہ مال حرام اس کے ہاتھ پر روانہ ہوگا

اور اگر صاحب خواب مفسعد ہے تو دلیل ہے کہ منافق اور چغل خور ہوگا اور لوگوں پر فسد اور جھوٹ کی گواہی دے گا

خواب میں مردے کا کفن دیکھنے کی تعبیر

حضرت ابراہیم کرمانی رحمۃ اللہ علیہ نے فرمایا ہے اگر دیکھے کہ معلوم مردے کو کفن کیا ہے تو دلیل ہے کہ اس دنیا میں مردے کا طریقہ پکڑے گا اگر عالم تھا تو مال میں اور اگر خواب میں دیکھے کہ اس نے مردے کا کفن اتارا ہے دلیل ہے کہ وہ مروت زندے کی قبر میں ہے اور اس مردے کا حال نیک ہے اور اگر دیکھے کہ اس نے مردہ کو کفن دیا ہے تو دلیل ہے کہ مردے کے خویشوں کو کپڑا دے گا

حضرت جعفر صادق رضی اللہ تعالی عنہ نے فرمایا ہے کہ خواب میں لباس مردہ تین وجہ پر ہے اول مال دوم مشکل کام کا ظاہر ہونا سوم دین کا فساد 

اگر دیکھے کہ مردے نے نگاہ کی ہے تو دلیل ہے کہ اس کی عمر دراز ہو گی لیکن اس کے گھر میں خرابی پڑے گی اور اگر دیکھے کہ مردہ زندہ ہوا ہے تو دلیل ہے کہ مشکل کام اس پر ظاہر ہو گا چنانچہ اگر معطل ہے تو کام پائے گا اور اگر بادشاہ ہے تو اس کا علم اور حکمت زیادہ ہو اور جو امید ہے پوری ہوگی اور اگر کسی شغل میں تردد ہے تو پورا ہوگا فرمان حق تعالیٰ ہے اللہ تعالی نے اس کو سو سال مارے رکھا پھر اس کو اٹھایا

حضرت جابر مغربی رحمۃ اللہ علیہ نے فرمایا ہے اگر دیکھے کہ کوئی بڑا آدمی یا کوئی عالم زندہ ہوا ہے تو دلیل ہے کہ اس کا مذہب اور اس کی خصلت زندہ ہوگی خواہ نیک ہو یا بد  اور اگر دیکھے کہ اس کو مردے نے بغل میں لیا ہے تو دلیل ہے کہ اس کی عمر دراز ہو گئی اور صاحب خواب کا کام بہتر ہوگا

 اور اگر دیکھے کہ اس نے کوئی چیز مردے کو دی ہے تو دلیل ہے کہ وہ چیز مہنگی ہوگی اور اس کا نرخ گرا ہوگا اور یہ بھی کہتے ہیں کہ وہ مردہ بخشا ہوا اور شہید ہو گا اور اگر دیکھے کہ  مردہ اس سے کھانا مانگتا ہے تو دلیل ہے کہ مردہ اس سے صدقہ کی امید رکھتا ہے

کفن خریدنا یا بنانا

مصیبت میں گرفتار ہو غم و اندوہ میں پڑے

کفن واقف شخص کا بنانا

اس کے امداد کرے نفع پہنچائے مراد بر آئے

کفن پہننا یا دیکھنا

عمردراز سرکار سے خلعت پائے گاغم دنیا سے بے نیاز ہو پوشاک نفیس پہننے میں آئے

• Khwab Mein Murde ko Dekhna
• Khwab Mein Marna Dekhna

خواب میں کفن چور دیکھنے کی تعبیر

حضرت ابن سیرین رحمتہ اللہ علیہ نے فرمایا ہے اگر خواب میں دیکھے کہ کفن چور ہو ہےاگر صاحب خواب اہل علم سے ھے تو دلیل ھے کہ باطل دنیا کی طلب میں اپنا علم بیچے گا اور اپنی عمراس میں ضائع کرے گا

حضرت جابر مغربی رحمۃ اللہ علیہ نے فرمایا ہے اگر کفن چور دیکھے کہ اس نے بہت سے کفن جمع کیے ہیں تو دلیل ہے کہ مصلح ہوگا اور علم وحکمت حاصل کرے گا اور بعض اہل تعبیر نے بیان کیا ہے کہ مال حرام جمع کرے گا اور لوگوں سے ملامت اور سرزنش پائے گا