Khwab mein Khajoor Khurma Dekhna Ki Tabeer in Urdu

Khwab mein Khajoor Khurma Dekhna Ki Tabeer

خواب میں کھجور دیکھنا یا پانامال اور مراد کاحصول ہے

کھجور گھر میں دیکھنا

منفعت پائے عزت وبزرگی ملے آرام و راحت حاصل ہو

کھجور پر چڑھنا

کامیابی کی دلیل ہے کاروبار میں ترقی ہو عہدہ پائے عزت ملے

کھجور سے پھل توڑنا

کسی بڑے گھرانے سے یا حاکم امیر رائیس سے فائدہ حاصل ہو

خواب میں کھجور کاپھول دیکھنے کی تعبیر

حضرت ابن سیرین رحمتہ اللہ علیہ نے فرمایا ہے اگر دیکھے کہ ایک پھول کھجور کا یا دو تین لئے ہیں دلیل ہے کہ اس کے فرزند ہوگا اور اگر دیکھے کہ پھول کھایا ہے تو دلیل ہے کہ مال اور نعمت بہت حاصل کرے گا اور اگر دیکھے کہ اس کے پاس کھجور کے بہت سے پھول ہیں وہ نا خود کھائے اور نہ کسی کو دیے تو دلیل ہے کہ بادشاہ اس کا مال لے گا اور آخر کار خوش ہو گا

حضرت جعفر صادق رضی اللہ تعالیٰ عنہٗ نے فرمایا ہے کہ خواب میں کھجور کا پھول چار وجہ پر ہے  اول فرزند دوم رحمت سوم منفعت چہارم چھین کر مال لینا

• Khwab mein Angoor Dekhna
• Khwab mein Saib Apple Dekhna
• Khwab mein Phool Dekhna
• Khwab Mein Amrood Dekhna

خواب میں کھجور دیکھنے کی تعبیر

حضرت ابن سیرین رحمتہ اللہ علیہ نے فرمایا ہے کہ خرما خواب میں مال اور مراد ہے خرما یعنی کھجور اگر اہل علم سے ہے دلیل ہے کہ اس کا علم زیادہ ہوگا اور اگر سوداگر ہے تو دلیل ہے کہ اس کا مال زیادہ ہو گا اور اگر دیکھے کہ کھجور کھایا ہے اور اس کی گٹھلی باہر ڈالی ہے تو دلیل ہے کہ وراثت پائے گا اور اگر دیکھے کہ کچا کھجور کھایا ہے تو دلیل ہے کہ اپنے فرزندوں کی میراث پائے گا اور اگر دیکھے کہ اس کے گھر میں کھجور کا درخت ہے اور بہت پھول لگا ہوا ہے تو دلیل ہے کہ کسی بڑے آدمی کو ملے گا اور اس سے نفع پائے گا اور اگر دیکھے کہ وہ کھجور کا درخت جڑ سے خشک ہو گیا ہے تو دلیل ہے کہ ان کے درمیان جدائی پڑے گی

اور اگر دیکھے کہ اس کے گھر میں کھجور خوشک تھی  اور وہ سبز ہوگئی ہے اگر بیمار ہے تو شفا پائے گا اور اگر دیکھے کہ کھجور کی جڑ کٹ گئی ہے تو دلیل ہے کہ کوئی اس کے کنبے سے بیمار ہو گا

 حضرت ابراہیم کرمانی رحمۃ اللہ علیہ نے فرمایا ہے اگر دیکھے کہ اس کے پاس تازہ کھجور ہے تو دلیل ہے کہ سختی سے مال حاصل کرے گا اور اہل تعبیر نے بیان کیا ہے کہ کھجور خواب میں منفعت ہے  جو اس کو کسی امیر سے حاصل ہو گی اور اگر دیکھے کہ اس کے گھر اور مکان میں بہت سی کھجوریں ہیں دلیل ہے کہ کھجوروں کے اندازے پر مال اور متاع حاصل کرے گا اور اگر دیکھے کہ کھجور تازہ یا خشک کھایا ہے تو دلیل ہے کہ ایمان کی لذت پائے گا اور اس کا کام انتظام سے ہوگا اور اگر دیکھے کہ کسی اور کی جڑ کاٹی ہے تو دلیل ہے کہ جو کام ہاتھ میں رکھتا ہے وہ نہ ہوگا

 حضرت جابر مغربی رحمۃ اللہ علیہ نے فرمایا ہے اگر دیکھے کہ اس کے پاس کھجور ہے تو دلیل ہے کہ مالدار عورت کرے گا اور دوسرے قول کے مطابق مال پائے گا اور اگر دیکھے کہ کھجور کو بہت سے انگور لگے ہیں اور اس نے لیے ہیں دلیل ہے کہ اس کی سیاہ کنیز فرزند جنے گی اور اگر دیکھے کہ خشک کھجور سے تازہ کھجور لی ہیں دلیل ہے کہ پاکیزہ بات منافق آدمی سے سنے گا اور بعض اہل تعبیر نے بیان کیا ہے کہ جاہل آدمی سے فائدے کی بات سنے گا اور اگر صاحب خواب غمناک ہے تو غم سے نجات پائے گا فرمان حق تعالی ہےتنہ کھجور کی تجھ پر تازہ کھجورگرائے گی 

 حضرت جعفر صادق رضی اللہ تعالیٰ عنہٗ نے فرمایا ہے کہ خواب میں کھجور کا دیکھنا سخی رئیس کی طرف سے مال حلال ہے اور خواب میں خشک کھجور دین پاک اور مال حلال کی دلیل ہے اور تازہ کھجور آنکھ کی روشنی اور مال حلال اور نیک فرزند کی دلیل ہے