Khwab mein Kaghaz Dekhne Ki Tabeer in Urdu

Khwab mein Kaghaz Dekhne Ki Tabeer

حضرت ابن سیرین رحمتہ اللہ علیہ نے فرمایا ہے خواب میں کاغذ مال اور بزرگی ہے اگر دیکھے کہ اس کے پاس سفید اور پاکیزہ کاغذ ہے دلیل ہے اسی قدر مال اور بزرگی پائے گا اور اگر دیکھے اس کا کاغذ پانی میں گلا ہے یا آگ میں جلا ہے تو دلیل ہے اسی قدر اس کی بزرگی اور مال کا نقصان ہوگا 

حضرت ابراہیم کرمانی رحمتہ اللہ علیہ نے فرمایا ہے خواب میں کاغذ علم اور دانش ہے اگر دیکھے کہ اس کے پاس بہت سے کاغذ ہیں تو دلیل ہے فضل اور علم سے شہرت پائے گا اور اگر صاحب خواب مفسد اور جاھل ہے تو اس کی تاویل اول کے خلاف ہے

حضرت جعفر صادق رضی اللہ تعالیٰ عنہٗ نے فرمایا ہےخواب میں کاغذ کا دیکھنا چار وجہ پر ہے اول عورت دوم بزرگی سوم دولت چہارم مکر اور حیلہ

کاغذ ملنا یا دیکھنا

اگر بہ خط نسخ لکھا دیکھے مال دنیا سے مستغنی ہو اور اگر کاغذ سیاہ ہو حاجت سے ناامید ہو

کاغذ خریدنا

خواب میں کاغذ خریدنا علم سے تعبیر ہے

  مہرہ کاغذ دیکھنا

نامہ سربستہ یا کیسہ ہاتھ آئے یا اخبار و حشمت کے آثار سے گھبرائے

• Khwab mein Kitab Parhna Ya Dekhna
• Khwab Mein Durood Sharif Parhna
• Khwab mein Surah Yaseen Parhna
• Khwab mein Quran Majeed Parhna Dekhna

خواب میں خط کاغذ دیکھنے کی تعبیر

خواب میں خط کاغذ دیکھنے کے تین معنی ہیں ایک نامہ دو کاغذ تین پردہ

حضرت ابن سیرین رحمتہ اللہ علیہ نے فرمایا ہے اگر دیکھے کہ خط کے کاغذ پر کچھ لکھا ہے دلیل ہے کہ وراثت پائے گا اور اگر دیکھے کہ کسی کے خط کاغذ پر اپنے لئے کچھ لکھا ہے دلیل ہے دیندار با امانت مرد سے کچھ حاصل کرے گا اور اگر دیکھے کہ خط کاغذ پر سبزہ خط سے کچھ لکھا ہے دلیل ہے کسی آفت زود سے کچھ پائے گا اور اگر خط کاغذ پر کچھ نہیں لکھا ہے تو وراثت نہ پائے گا