Khwab mein Chadar Shaal Dekhna Ki Tabeer in Urdu

Khwab mein Chadar Shaal Dekhna Ki Tabeer

حضرت ابن سیرین رحمتہ اللہ علیہ نے فرمایا ہے کہ سب کپڑوں سے چادر بہتر ہے اگر کوئی شخص خواب میں دیکھے کہ چادر سوتی ہے اور سبزو سفید ہے یا نیا کپڑا پہنا ہوا ہے تو دلیل ہے کہ جامعہ کی عمدگی کے مطابق فراخی نعمت پائے گا  اور اگر دیکھے کہ جامعہ تنگ ہے سیاہ اور نیلا ہے تو اس کی تعبیر پہلے کے خلاف ہے

 حضرت ابراہیم کرمانی رحمۃ اللہ علیہ نے فرمایا ہے کہ چادر فروش ایسا آدمی ہوتا ہے کہ دین کو دنیا کے بدلے اختیار کرتا ہے خاص کر اگر سوتی چادر ہے اور اگر چادر میں ریشم دیکھے تو دلیل ہے کہ دین اور دنیا دونوں کا ہی طالب ہے

خواب میں چادر دیکھنا

 حضرت ابن سیرین رحمتہ اللہ علیہ نے فرمایا ہے کہ چادر خواب میں دیکھنا عورت کا ستر پوش ہے اگر دیکھے کہ عورتوں کی طرح چادر پہنے ہوئے ہے تو دلیل ہے کہ اس کے کام میں خیر و شر ہے لیکن اس کام کو اس سے برا جانے گے اور اگر کوئی دیکھے کے چادر پھٹ گئی ہے یا جل گئی ہے تو دلیل ہے کہ اس وقت اس پر پردہ داری کی جائے گی

حضرت ابراہیم کرمانی رحمۃ اللہ علیہ نے فرمایا ہے کہ چادر شب خواب میں دیکھنا عورت ہے اگر کوئی دیکھے کہ اس کے پاس چادر شب ہے یا اس کو کسی نے دی ہے تو دلیل ہے کہ نئی عورت کرے گا اور اگر کوئی دیکھے کہ نئی چادر خریدی ہے تو دلیل ہے کہ کنیز خریدے گا اور اس کو فرزند پیدا ہوگا اور اگر یہ خواب عورت دیکھے تو دلیل ہے کہ وہ شوہر کرے گی

اور اگر عورت دیکھے کہ اس کی چادر شب جل گئی ہے تو دلیل ہے کہ اس کا شوہر مرے گا یا اس کو طلاق دے گا

حضرت جعفر صادق رضی اللہ تعالیٰ عنہٗ نے فرمایا ہے کہ خواب میں چادر دیکھنا تین وجہ پر ہے اول قدر وجاہ دوم مرد کو عورت اور عورت کو مرد کا حصول سوم گھر کی حکومت اور سرداری

سرخ چادر اوڑھنا 

قتل پھانسی دنگا فساد کی وارداتوں میں گرفتار ہو

• Khwab mein Kapra Libaas Dekhna

خواب میں طیلسان چادر یا شال دیکھنے کی تعبیر

حضرت ابن سیرین رحمتہ اللہ علیہ نے فرمایا ہے خواب میں شال قدر اور بزرگی اور مرتبہ ہے اگر دیکھے کہ اس کے پاس نئی اور پاکیزہ شال ہے دلیل ہے کہ اس کا مرتبہ پڑھے گا اور اگر اس کے خلاف دیکھے تو دلیل ہے کہ اس کی قدر کم ہو گی اور اگر دیکھے کہ چادر پھٹی یا جلی ہے تو دلیل ہے کہ اس کا کوئی عزیز مرے گا

حضرت دانیال رضی اللہ تعالیٰ عنہٗ نے فرمایا ہے خواب میں چادر کادیکھنا امانت اور دیانت اور دین کی قوت ہے اور اگر دیکھے کہ شال پاکیزہ ہے دلیل ہے کہ امانت گزارے گا  اور شال میلی ھے تو دلیل ھے کہ اس کے ذمہ امانت ہوگی اور اگر دیکھے کہ اس نے زرد چادر لی ہے تو دلیل ہے کہ اس کو سخت غم پڑے گا

حضرت جابر مغربی رحمۃ اللہ علیہ نے فرمایا ہے کہ خواب میں سفید چادر پارسا لڑکا ہے اور سرخ چادر دلیل ہے کہ اس کا فرزند عیش و عشرت کو پسند کرے گا اور اگر سیاہ ہے تو اس کا فرزند عالم یا قاضی یا خطیب ہوگا

حضرت جعفر صادق رضی اللہ تعالیٰ عنہٗ نے فرمایا ہے خواب میں چادر دیکھنا دس وجہ پر ہے  اول عزت اور مرتبہ دوم ولایت سوم فرزند چہارم دولت پنجم بزرگی ششم مال ہفتم منفعت ہشتم علم نہم دین دہم تلوار