Khwab mein Khana Kaba Shareef Dekhna Ki Tabeer in Urdu

حرم کعبہ دیکھنا

کعبہ کی طرف یااندر جانا

مکہ شریف میں خود کو دیکھنا

اگراپنے آپکومکہ شریف میں دیکھے توزیارت کعبہ اور حج کرنے کی دلیل ہے

خواب میں حرم کعبہ دیکھنے کی اِسلامی تعبیریں

حرم امن کی جگہ ہے اگر دیکھے کہ حرم کعبہ میں ہے تو دلیل ہے کہ دنیا کی آفات سے امن میں رہے گا اور حج اس کو نصیب ہو گا

حضرت ابراہیم کرمانی رحمۃ اللہ علیہ نے فرمایا ہے اگر دیکھے کہ بادشاہ یا کسی سردار کے حرم میں گیا ہے تو دلیل ہے کہ تمام شہروں میں اس کے لیے امن ہے اور اس کو بادشاہ سے کچھ ملے گا

 اور بعض اہل تعبیر نے بیان کیا ہے کہ اس کو اس حرم کے اہل سے کام پڑے گا اور اگر دیکھے کہ اس کو بادشاہ نے اپنے حرم میں خود بلا لیا ہے اور اس جگہ پر مقیم ہوا ہے تو دلیل ہے کہ بادشاہ کا کام کرے گا اور اس کو اس کام سے بدنامی ہوگی اور اگر دیکھے کہ کسی ظالم بادشاہ کے حرم میں گیا ہے اس کی بھی یہی تاویل ہے

خواب میں کعبہ شریف دیکھنے کی اِسلامی تعبیریں

حضرت ابن سیرین رحمتہ اللہ علیہ نے فرمایا ہے کہ خواب میں کعبہ شریف کا دیکھنا خلیفہ کو دیکھنا ہے اور جس کے قبلہ کا کعبہ ہے جو زیادتی اور نقصان کہ کعبے میں دیکھےگا خلیفہ میں ہوگی اگر دیکھے کہ اس نے کعبہ کا طواف کیا ہے تو اس کی دین کی صلاح پر دلیل ہے اور خلیفہ سے راحت پائے گا اور اگر دیکھے کہ اس نے احرام باندھا ہوا ہے اور رخ کعبہ کی طرف ہے اس کی صلاحیت کی زیادتی پر دلیل ہے

 اور اگر دیکھے کہ اس کامکان کعبہ ہوگیا ہے اور لوگ زیارت کو آتے ہیں تو دلیل ہے کہ امانت کی حفاظت کرے گا اور عزت اور مرتبہ پائے گا

حضرت جابر مغربی رحمۃ اللہ علیہ نے فرمایا ہے اگر بادشاہ دیکھے کہ کعبہ میں گیا ہے دلیل ہے کہ خلیفہ سے بزرگی پائے گا اور اگر دیکھے کہ کعبہ گرا ہے جلا ہے تو دلیل ہے کہ خلیفہ کا حال برا ہوگا  اور اگر دیکھے کہ اس نے کعبہ میں کوئی چیز لی ہے تو دلیل ہے کہ اس کو خلیفہ سے فائدہ ہوگا اور اگر دیکھے کہ کعبہ میں نماز پڑھی ہے دلیل ہے کہ خلیفہ سے اس کا کام عمدہ ہوگا

• Khwab Mein Namaz Parhna Dekhna
• Khwab Mein Azan Dena Ya Sun'na
• Khwab mein Quran Majeed Parhna Dekhna
• Khwab Mein Qabar Dekhna
• Khwab mein Shadi Dekhna

حضرت ابراہیم کرمانی رحمۃ اللہ علیہ نے فرمایا ہے کہ کعبہ کا اصل ایمان اور مسلمانی ہے اور اگر اپنے آپکو کعبے میں دیکھےتودلیل ہے کہ دشمن کی طرف سے شرارت سےامن میں رہے گا اور اس کی دعا قبول ہوگی فرمان حق تعالی ہے اور جو شخص اس میں داخل ہوگا امن میں ہو گا

اور اگر دیکھے کہ حجر اسود کی طرف رخ کرکے بوسہ دیتا ہے تو دلیل ہے کہ حج کرے گا اور اگر دیکھے کہ حضور صلی وسلم کی زیارت مبارک کر رہا ہے یا مقام ابراہیم رضی اللہ تعالی عنہ کو دیکھتا ہے تو دلیل ہے کہ حج کو جائے گا اور سلامتی سے واپس آئے گا اور اگر اپنے آپ کو کعبہ کی چھت پر دیکھے تو بد مذہب ہونے پر دلیل ہے

حضرت جعفر صادق رضی اللہ تعالیٰ عنہٗ نے فرمایا ہے کہ خواب میں کعبہ چاروجہ پر ہے اول  خلیفہ دوم امام سوم ایمان اور مسلمانی چہارم خوف سے سب طرح کا امن