Khwab mein Zakham Dekhna Ki Tabeer in Urdu

Khwab mein Zakham Dekhna Ki Tabeer

حضرت ابن سیرین رحمتہ اللہ علیہ نے فرمایا ہے اگر دیکھے کہ اس کے جسم پر زخم ہے اور خون کا نشان ظاہر نہیں ہے دلیل ہے کہ زخم لگانے والے پر فتح پائے گا اور خیرومنفعت حاصل کرے گا اور اگر دیکھے کہ اس کے زخم سے خون جاری ہے اور اس کا جسم خون آلودہ ہوگیا ہے دلیل ہے کہ مال حرام پائے گا

اور اگر دیکھے کہ اس کا جسم آلودہ نہیں ہے تو دلیل ہے کہ زخم لگانے والا اس کو کسی گناہ یا تہمت کے ساتھ متہم کرے گا

حضرت ابراہیم کرمانی رحمۃ اللہ علیہ نے فرمایا ہے اگر خواب میں دیکھے کہ اس کے زخم لگا ہے اور خون آلود ہو گیا ہے دلیل ہے کہ اس کے مال میں نقصان واقع ہوگا 

حضرت جعفر صادق رضی اللہ تعالیٰ عنہٗ نے فرمایا ہے کہ خواب میں زخم کا دیکھنا تین جگہ پر ہے اول فتح پانا دوم خیر اور منفعت سوم مال کا نقصان 

زخم سے خون بہتے دیکھنا

دولت ومال بے شمار پائے یا وفینہ پائے روزگار ملے

زخمی بدن اپنا یا دوسرے کا دیکھنا

بادشاہ سے دولت یا منفعت ہو قوت و تونگری بڑھ جائے دولت ومال بے شمار پائے

پیشانی زخمی دیکھنا

عزیزواقارب سے رنج اٹھائے قدرے  نقصان مال ہو

مرہم زخم پر لگانا

دلجوئی اور ہمدردی کرے جس کو لگائے اس کا مددگار ہو

خواب میں زخمی کرنا دیکھنے کی تعبیر

حضرت ابن سیرین رحمتہ اللہ علیہ نے فرمایا ہے اگر دیکھے کہ اس کے جسم کو کسی نے زخمی کیا ہے اور اس سے خون نکلا ہے تو دلیل ہے کہ زخمی کرنے والا اس کو سچی بات کہے گا چنانچہ وہ اس کو جواب نہ دے سکے گا اور اگر دیکھے کہ اس زخم سے خون نہیں نکلا ہے تو دلیل ہے کہ اس کو وہ شخص جھوٹی بات کہے گا

حضرت ابراہیم کرمانی رحمتہ اللہ علیہ نے فرمایا ہے  اگر کوئی دیکھے کہ تلوار لے گیا ہے اور اس کے دو ٹکڑے کیے ہیں دلیل ہے کہ اس کے سامنے بات کہے گا اور اس پر لوگ طعنہ ماریں گے اور اگر کوئی خواب میں اپنے جسم پر بہت سے زخم دیکھے تو دلیل ہے کہ بادشاہ سے منفعت پائے گا

حضرت جابر مغربی رحمۃ اللہ علیہ نے فرمایا ہے کہ جسم پر بہت سارے زخم دیکھنا مال کا نقصان ہے

حضرت جعفر صادق رضی اللہ تعالی عنہ نے فرمایا ہے کہ خواب میں زخم تین وجہ پر ہے اول مال و دولت  دوم خیرومنفعت سوم نا خوشی کی بات

• Khwab Mein Rona Ya Rote Dekhna
• Khwab mein Haiz Dekhna
• Khwab Main Dant Apna Girtay Dekhna
• Khwab mein Larai Larna Dekhna
• Khwab mein Bimari Dekhna

خواب میں ریشہ والا زخم دیکھنے کی تعبیر

حضرت ابن سیرین رحمتہ اللہ علیہ نے فرمایا ہے اگر کوئی خواب میں دیکھے کہ اس کے جسم پر زخم ہے اور اس میں پیپ جمع ہے دلیل ہے کہ اس ریشہ کے اندازے پر اس کو مال حاصل ہوگا اور اگر اس کے خلاف دیکھے تو اس کے مال میں کمی ہوگی اگر دیکھے کہ ریشہ اس کے جسم سے نکلی اور پھر اپنی جگہ واپس ہوگئی ہے دلیل ہے کہ اس کو مال کا نقصان ہوگا اور انجام نیک ہوگا 

حضرت ابراہیم کرمانی رحمۃ اللہ علیہ نے فرمایا ہے اگر خواب میں دیکھے کہ ریشہ چوستا ہے اور کھاتا ہے تو دلیل ہے کہ مال حرام کھائے گا حاصل یہ ہے کہ ریشہ کے جسم میں جمع ہونے پر دلیل ہے

حضرت ابن سیرین رحمتہ اللہ علیہ نے فرمایا ہے اگر دیکھے کہ اس کے جسم سے ریشہ نکلی ہے دلیل ہے کہ اسی قدر اس کے مال کا نقصان ہوگا اور ریشہ کا جسم میں جمع ہونا مال پر دلیل ہے

حضرت جابر مغربی رحمۃ اللہ علیہ نے فرمایا ہے اگر خواب میں دیکھے کہ اس کے تمام جسم پر زخم ہیں تو غم و اندوہ کی دلیل ہے